اللي أعجبني في القصة انها لها دخل في الفيديو جيمز.
اللعبة الموجودة في القصة هي Animal Crossing … شخصيا ما لعبتها بس اللعبة تقدر تسوي فيها بيت ، تزرع ، ترسل هدايا … الخ
أترككم مع القصة اللتي ترينا ما هو قلب الأم:
كثير من الناس من الذين يخطئون على أحد يتوقعوا انه بمجرد الاعتذار للطرف الآخر تتحول الأمور كلها كما كانت
ولكن الحقيقة هي : لا
فما من جرح يلتئم ليعود كما كان الا اذا كان بسيطا جدا ولا يذكر وهو ما اسميه بالخدوش
عندما تجرح مشاعر غيرك، تكون قد تركت أثرا لا ينسى عند ذلك الشخص. ويصعب جدا لذلك الشخص بكل بساطة أنا ينسى ما يشعر تجاه ذلك الجرح
لكن المستغرب هو انه من جرحك يتوقع منك ان تسامحه فورا بعد ان فعل فعلته, وينسى ما خلف جرحه من آثار.
يمكن للشخص أن يسامح اللذي جرحه من قلب، من غير اعتذار، ولكن هذا نادر جدا وأهنئ صاحبه
لا أستطيع أن أقول ان المسامحة تأتي بالاعتذار فقط. ولكي تسامح شخصا ما أتصور أنه يجب على الخاطئ أن يفعل أمران:
الأول: الاعتذار، الثاني: أن يشعر المعتذر منه أنك بالفعل نادم على ما فعلت.
فمثلا: الى الآن لدي أثر “عضة” في ذراعي الأيسر… سامحت من فعلها لأنها لمن تكن بالقصد، لكني لا أستطيع أن أنسى أمرها لأني أراها دائما.
لا يسلم بعضنا البعض من الخدوش، ولكن احذروا الجروح!
احم السلام من جديد!
أول مرة أكتب موضوعين في يوم بس الحالة تحوج
تم بحمد الله افتتاح مدونة فائقة ^^
أتمنى تستفيدوا وتفيدوا فيه ^^ واذا مداكم تنشروا بعد يكون مية مية
تحياتي!
السلام عليكم مجددا
أحب أطلعكم على آخر الأخبار مع البندلكس اللطيف حقي …
سويت الأبديت الى R11 زي ما قالي رائد. واللي لاحظته هو :
النت دائما تجيله حالة فصل ويقعد يقطع من حوالي الساعة 8-11 مساء … في سر في هذي الفترة … داااااااااائما يفصل هذا الوقت
…
……
………
تبا … وأنا قاعد أكتب جاته حالة الفصل المتكرر -_- حتى الوالد متضايق جدا من سالفة الفصل هذي!!! عسى ولعل يجي بنفسه ويعلق على الموضوع :/
شكلي الشهر الجاي بأجرب موبايلي مع اني مجربه من قبل … اللي ودي اجربه من جد هو زين
………
…………………………
…………………………………………………
أوكي رسميا النت هذا بدأ يرفع ضغطي لدرجة اني صرت افكر ارجع لانترنت الجامعة!!!!
النت أبدا مو Stable!
أظني حأسحب سالفة اني أنصح باشتراك الاتصالات … لكن لسة يبغالي تجارب وأتأكد هل المشكلة من الشركة ولا من الجهاز اللطيف حقي! مع انه في الغالب من الشركة …
أبو عمر! ايش رأيك في النت الجديد؟؟؟
ترقبوا:
قاعد أساعد امي تفتح مدونة لها
تحياتي ^^
عبدالله
السلام عليكم ^^
واخيرا قررت احط مشروعنا الثالث للترم الماضي ألا وهو شبكة لحلقات تحفيظ القرآن. عندنا حلقات التحفيظ لسة ماشية على نظام الورق، ففي تلاعبات ممكن تصير ونقدر نتجنبها بهذي الفكرة
أهداف الشبكة أو الموقع:
تخيل معاي هالحالة:
الأب: ها يا ولدي ايش سويت في التحفيظ اليوم؟
الولد: الحمد لله ماشي الوضع! جبت تقدير ممتاز!
الأب: حلو!
الولد يروح. ويدخل الأب يشيك الموقع
الأب: هلا واللللللللللله! هذا ما راح التحفيظ اصلا!!! يا أم مناحي وين راح الولد؟؟؟؟؟؟؟؟؟؟
باختصار الولد نصاب ما راح التحفيظ P:
طبعا كل طالب ما يقدر غير يشوف الأشياء اللي تخص الطالب فقط. ومن الموقع يقدر يعرف ايش عليه بكرة وكل شيء
وبرضه نفتك من مشكلة اذا الطالب ضيع الورقة. الحين ما نحتاج ورق!
وأيضا نقدر نعرف المدرس نفسه غاب ولا لأ. وأي معلومة تخص أي طالب في أي وقت من الأوقات تكون دائما موثقة
أرسلت للشيخ حق التحفيظ عندنا علشان يشوف السستم بس شكله ما تحمس عليه مدري ليش ما رد علي للحين :/
كان ودي أفعله عمليا حرام مشروع اشتغلنا عليه بعدين ما أحد يستفيد منه.
وبامكانكم جميعا تحميل المشروع ^^ وسووا فيه اللي تبغوا … يا ريت اذا في أي مقترحات تقولولنا خصوصا بالنسبة لي اني جديد جدا في هذا المجال…
Halaka System Source Files (93)مستخدمين asp.NET في التطبيق
وللتوضيح هذا ال EER Diagram حق النظام للمهتم يعني xD
وأخير أترككم مع الصور مقتطفات من النظام:
ودمتم سالمين ^^
عبدالله
السلام عليكم
أحب اشارك تجربتي الحالية مع انترنت الاتصالات اللاسلكي (الجوال) وجهاز BandLuxe

بعد ما عافت النفس الانترنت اللي موفرته جامعة الملك فهد للبترول والمعادن وخمتهم السيئة، قررت اتحرر واجرب الوايرلس
بحكم تجربة سابقة مع سفير القلم مع البندلس مع شريحة موبايلي، السرعة كانت توصل 30-50 كيلوبايت سرحة تحميل فقط
في وقت لاحق نصيني السفير وقالي جرب حق الاتصالات
طبعا بما اني حق تنزيل! فقررت اجرب الخدمة المفتوحة.
رحت فرع حي الدوحة علشان اخذ الشريحة (سوا) وتم تفعيل الخدمة عليها بعد موال استمر أكثر من 4 أيام بسبب عطل عند الاتصالات.
هنا احد النواحي الاجابية بالنسبة لموبايلي على الاتصالات. الاشتراك الفتوح في موبايلي = 300 ريال/الشهر مقابل الاتصالات 450 ريال/الشهر
على العموم، النتائج كالتالي: النت رهيييييييييييييييب !!! سرعة التحميل توصل 200 كيلوبايت/الثانية مرات
لكن احد اهم السلبيات اللي ترفع ضغطي هي: الانقطاع في الخدمة بين فترة والثانية. وهذا يضايقني جدا لمن العب أونلاين. اذا فصلت خلاص الجيم يروح علي فما اقدر اسوي شيء تجاه هذا الشيء. وشيء اخر من ناحية اللعب. مازال في lag بس اخف بكثييييييييييييير من انترنت الجامعة اللطيف!
الهدف من شرائي البندلكس هو اني اي وقت اقدر اغير الخدمة بحيث اني مو محبوك بموفر الخدمة، وقت ما ابغى اغير اغير.
في الأخير، أنصح اللي حالتهم زيي انهم ياخذوه ، مع انه في مشكلة السعر :/ 450 غالي مرة. يالله اول ما نطلع من الجامعة على طول DSL !
أي سؤال بخصوص الخدمة انا حاضر :> وشاركونا بالتعليقات!
السلام!
في الليلة الماضية ساعدت صاحبي في استخدام Richardson’s Extrapolation Algorithm برمجيا… أنا شخصيا ما عندي أي فكرة عن ايش الهدف من النظرية للحين بس مني مناك فهمت وش المطلوب مني وبديت اشتغل
علشان اسهل عليكم للي وده يفهم النظرية: http://dmpeli.mcmaster.ca/Matlab/Math4Q3/NumMethods/Lecture3-3.html
Dk+1 = Dk(h) + (Dk(h) – Dk(2h)) / (4k – 1)
هذي هي المعادلة
أول خطوة سويتها اني جربت احلها Recursively (Recursion)
البيس كونديشن كان موجود الزبدة اني نسيته الحين !
وهذا الحل: Richardson's Extrapolation Algorithm (63) لمن تحملو شيكو ملف SE301
احستست شوي وبعدين قررنا نسويها Iterative ، شيك SE301-2
واليوم دخلت النت لقيت حل لها متسوي بالC++
http://www.hobsala.com/codes/codefiles/romberg.cpp
المشكلة اني مو قادر أتأكد من حلي اذا كان صح ولا غلط لأني مو دار اقارن أجوبة لأنه ما عندي أجوبة!
هذا مشروعنا السغنطوط لهذا اليوم >:
بأرجع اشتغل على ميزرز شوي ، سي يو
سلام مرة ثانية!
وأخيييييييييرا بديت في المشروع اللي مخططله حق الصيف ، ما بغيت
المشروع هو تحويل لعبة
Mazers
من أون لاين إلى أوف لاين!
والصعوبة طبعا حتكون فيييييي كيفية لعب الكمبيوتر ،اللي اقصد فيه “الذكاء” حق الخصم الالكتروني
إلى الآن حققت هدفين:
طبعا الحين المشكلة معاي في تغيير الاتجاهات،
إيش الأشياء اللي اخذها في الحسبان علشان يحدد اتجاه الكمبيوتر؟
أنا للآن حاط في بالي انه بس اخليه ياخذ جواهر
لكن في اشياء كثيرة ممكن ناخذها في الحسبان، زي: متى يطلق على الخصم؟ كيف يلحق الخصم؟ متى يخرج من المخرج؟ يعني في اشياء كثيرة والشغلة مو بسيطة
أنا للحين بس خليته يركض بشكل عشوائي، ومع ذلك حركته صايرة محدودة
رايح احط السورس كود حق الشغل بس بأعدل فيه شوي
ودي الاقي ناس تتفاعل معي ونشوف وش ممكن نسوي سوا ^^
الأخ معن اشقر قالي اذا مداك تطبق قوانين “الطريق الأقصر” بس للأسف مو عارف اطبقها في الجيم هذا. امكن احتاج ادخل اشياء اضافية
فكرت اريح راسي واخلي اللعبة عبارة عن انك تحاول توصل الباب بعدد معين من النقاط، بس كذا تصير اسهل، كذا راح اخلي الوحوش يضاربو على اسلوب معين ومحفوظ، يعني لا ذكاء صناعي ولا بطيخ
أنا ودي امشي في سالفة الذكاء الاصطناعي ولو شوي، للحين محتاس !
قريبا حأضيف السورس كود علشان اللي وده يجرب معي !
انتظر تفاعلكم ^^
سلام
من زمان ما كتبت شيء :/
اخيرا بدأت أشتغل على ميزرز من جديد علشان اخليها اوف لاين والله يستر
في الوقت الحاضر قلت خليني ارفع فيديو للبريزنتيشن اللي صار في الجامعة
خصوصا اللي واجهو مشكلة في تشغيل اللعبة بسبب المشاكل العويصة احم احم
استمتعوا
وشكرا للأخ البراء العوهلي على التصوير :>