
السلام عليكم ورحمة الله
بالأمس كان الحفل الاختتامي لكأس التخيل في مصر، كانت تجربة رائعة جدا =) وأتمنى تكرارها
تعرفنا على عدد طيب من أناس من دول مختلفة، وتعرفنا على مصر الطيبة، والله أهلها طيبين، ودهم يخدموني. والحمد لله ما شفت النوعيات حقت البخشيش للحين الا عند الأهرامات هاع، يقولك ممنوع التصوير، بس أمشيك اذا دفيته بكم جنيه! هئو!
على العموم خلونا في المسابقة
تم الإعلان مساء الأمس انه السنة القادمة ستكون في بولندا! حماس! نهاية ، وبداية لمنافسة جديدة!
وصار في شوية تغييرات على ما يبدوا انه مايكروسوفت يبغوا يوفروا كم قرش هع
بالنسبة للثيم، فهو نفس الثيم! ما تغير، يعني اللي طلعتله فكرة ولة ما طبقها ممكن يشارك =)
وأعجبني الفريق البرازيلي، ما شاء الله مشاركين في جميع الأقسام في المسابقة، يعجبوا والله كلهم كانوا متكافتين وعاملين زحمة بطعة ببلايزهم الصفراء لول
السابقة أصبحت فقط 3 أقسام
Software Design
Game Design
Digital Media
علشان كذا أقولكم يبغوا يفروا لول، النافسة حتكون أصعب. وهذا اللي حيخليها حماسية أكثر!
الحمد لله بالنسبة لي المسابقة ما انتهت، لسة في صدد التعامل مع بعض الشركات بصدد مشروعنا، دعواتكم لنا بالتوفيق
بامكانكم تشوفوا المزيد من التفاصيل عن اماجن كب من موقعهم
http://www.imaginecup.com/
نبغى نشوف فريق سعودي داخل في كل فرع من المسابقة!!! يالله يا شباب شدوا الهمة
ونبغى نشوف أيضا فرق مسلمة من كل دولة!!! وفي كل قسم!!!
ما شاء الله كان في دول كثيرة هذي المرة، الأردن، لبنان، تونس، الجزائر، وناس ثانيين من ماليزيا الخ الخ، والأحلى من هذا كله واللي أسعدني جدا، وجود فريق بنات مشاركين من فلسطين
الله يوفقكم يا ربي!
الأشياء اللي في بالي كثيرة لا يحصرني ان أذكرها كلها، لكن اللي أقدر أقوله انه تجربة كانت رائعة جدا!
شكرا لكل من شجعني ووقف جنبي، أحب أشكر أبوية وأمي وأخواني على تشجيعهم، وأخوية أحمد على مساعدته لي وتحمله لي. وأشكر أيضا فريقي اللي عشنا معاه لحظات لن تنسى، الى أصحابي اللي تفهموا مدا انشغالي بمشاريعي ودعمهم المعنوي لي وكل من دعا وتمنى لنا التوفيق سرا وجهرا. أشكركم جميعا على كل شيء!
وأبشركم انه اللي أخذ المركز الثالث عندنا في السعودية أخذ المركز الأول في نوع آخر من المسابقة شرفتنا والله =) تحية للأخ من الجامعة العربية المفتوحة! فاز بـaccessibility-award
ورسالة أيضا لفريق بنات الملك عبدالعزيز، لا توقفوا المشروع، انشروه! مشروعكم رائع ويستاهل الوقت اللي حطيتوا فيه جهودكم، اكتسبتوا خبرات ماهي موجودة عند ولا أحد غيركم! شدوا الهمة ولا تخلوا بعض الأشياء تحبطكم وتقل من عزيمتكم، أعجبتني همتكم والله يوفقكم!
وأيضا على كذا، نشكر جميع من دعم الفرق المشاركة في السعودية، ماديا ومعنويا، وأي حاجة تانية (بالمصري)، والله يوفقنا وجميع المسلمين بكل خير.
تكلمت كثير! نشوفكم على خير =)