في الصبح كنا متفقين انه نجتمع مع المسؤول الأكاديمي حق مايكروسوف مع المسؤولين من البنك الأهلي علشان نتكلم في كيفية تحسين المسابقة أفضل وايش الأغلاط اللي سووها وايش ننص للسنة الجاية من المشاركين من السعودية، الخ. طلعنا فيها كذا شيء وان شاء الله المسابقة تتحسن السنة الجاية!
بعدها تغدينا ورحنا الـshowcase ، ايش الشوكيس؟ زي booth نعرض فيه مشروعنا، وكل الدول جنب بعض تعرض مشاريعها، فرصة المشاركين يتعرفوا على مشاريع بعض، أنا سنترت عن شعب الgame developement ! فلة D: شفت أشغال الناس في أشياء أليمة مرة زي هذا مثلا، الفيديو لحاله يكفي!
شغل مزبوط!
المهم بعد هذي، الكل بدأ يلم أغراضه تهيئا للحفل الختامي اللي يسموه World Festival
انطلقنا الساعة 5 ووصلنا هناك على الغروب، أول ما غربت الشمس بدأ الحفل، عاد حزروا وين الحفل النهائي كان؟
بالضبط! كان عند الأهرامات، مسوين الأهرامات خلفية ; ; منظر كان أليم
قمت من النوم، وتجهزنا أنا وروميتي للذهاب الى أهرامات الجيزة صباحا مع الجماعة. كانت رحلة ممتعة.
شغل النصب ما شفته طول الرحلة، الا لمن رحت الأهرامات. شوية كم هرم صغير للتذكار بمية جنيه، لقيته بعدين ب7 جنيه. زين لا انا ولا روميتي شرينا. ويلصقوا فينا تلصيييييييق، جانا واحد طاير لبسني انا وروميتي شيء زي الشماغ، شيء أبو كلب، وعاطنا بوست كاردز ومدري وشو ويقلي “you look like arabian” أنا أقول في نفسي “لا يا شيخ؟؟؟” المهم عطانا الأغراض وكل شيء وقال هذي هدية مني. حنا أخذناها ومشينا لول. صار يلحق ورانا يقولنا “عطيني أي شيء” الزبدة رجعناله الأغراض ورجعناه
من الأشياء الحفال كمان انه يقول ممنوع التصوير، تدخل يقولك لا تصور. بس أسمحلك اذا تدفعلي فلوس. يا عيني يا ليلي! وش ذا!
لول في اثنين كانو لابسين ثياب نوم حقت المصريين وطالعين فيها الشرحلة، ولابسين عليه شماغ xD المهم هذولي معانا في الرحلة، عرضت عليهم اني أصورهم ، قالولي “You’re not going to take money for it, are you?” >.> لول شكله الناس بهدلوهم ومو عارفين ياخذوا صورة حتى.
مرينا على الاهرامات كلها وأبو الهول، وبعدين رجعنا الفندق شوية. تغدينا، وبعدين طلعنا رحلة العشاء … ايه تغدينا وطلعنا نتعشى على طول -_- مدري وش كانوا يفكروا، رحنا حديقة الأزهر، قريبة من قلعة صلاح الدين، حلوة الحديقة وجاية فوق شوية. العشاء كان هناك، طبعا انا تعشيت بطيخ هناك! لأنه باختصار، الغدا لسة ممليني!
وبعدها رجعنا الفندق.
اذا ما كنت غلطان هذا اليوم بعد ما رجعنا، تصورنا مع قناة العربية وكل الدول العربية كانت موجودة. بعدها جات وحدة عزمتنا على غرفة، شيء زي الconfession room غرفة الاعترافات، تدخل الغرفة، تقول اللي تبغى (طبعا مصورينك) الخ، الزبدة الشعب العربي بدأ يغني لول يا فرحتي فيهم. جلس اتفرج عليهم وأضحك. الحرمة ذيك فاصلة بعد لول صارت تغني معاهم، صوتها من جنبها وهي تقول كذا لول مع ذلك طابة وياهم. في واحد أعطى كلمة حلوة صراحة، تكلم عن انه كيف تجربته هذي أثبتتله انه العالم قريب جدا من بعضه وانه مافي داعي نتحارب وانه نحنا نتمنى نعيش في سلام. كلامه كان أقوى من اني اوصفه.
بعدها طلعنا دور واحد وصرنا نلعب فيفا، انا لعبت مع الدكتور حقي هاع هاع فلة
هذي الصورة للمسجد اللي داخل قلعة صلاح الدين، أخذ الصورة يوم الحفل الافتتاحي
الأحد، 5 يوليو
بما انه ما تأهلنا للنهائيات، قررت أطلع مع أخوية اللي في شغله في مصر (أحمد)، جاء هنا لأنهم بيصوروا اعلان تلفزيوني. فقلت فرصة اني أحضر شيء زي كذا، مو كل يوم أقدر أشوف شيء زي كذا. لكن في المقابل، ضحيث باني أحضر التقديم حق باقي المشاريع الفائزة، خيرها بغيرها.
أخذني سواق العمل، ووداني للفيلا اللي فيها التصوير، القاهرة كبييييييييييييرة ومشواراتها بايخة!!! جدة الحين بالنسبة لي رحمة!
طبعا لمن وصلت هناك كان منظر غريب، أجهزة غريبة وألواح بيضة وألواح عاكسة، وشممممممممممس، التصوير في الحديقة، وأنا حضرتي كنت لابس أسود! جلست عند المخرج وكذا، شغل Cut … Action ! الخ. والتمثيييل، تشوف ناس من جميع الأعمار، الصغير والكبير ذو عمر ال77 في دور الجد! طبعا في الاعلانات اللي تشوفوها وتمثل المجتمع الخليجي بشكل عام والسعودي بشكل خاص، كل الممثلين اللي هناك مصارية، ويمثلوا أدوار سعودية، طبعة السبب بسيط، التكلفة أرخص بكثير، ويأدي الغرض
في كم شيء انقهرت منه :/ زي المعاملة اللي كانت يتعامل فيها الرجال أبو 77 سنة، جلست أتكلم معاه بعد ما خلص دوره. قلتله انت كيف مستحمل تقعد في الشمس وتتحمل زعاقهم؟ حتى البخور اللي كان في التصوير ورازينه في وجهك 10 دقايق هذا كان فحم، لو بخور أهون! قالي يا ابني كم تعطي عمري؟ قلتله مدري، شيء و60؟ قالي 77، قالي، أنا بأشتغل علشان أحس نفسي عايش، أمثل شوية وأخذ فلوس أعيش عليها فترة، بعدين ارجع أمثل مرة ثانية. الزبدة كسر خاطري …
في واحد ثاني ولد صغير، كل شوية يصيح ويطنقر، المشكلة انهم محتاجينه، وهو يبي يمشي البيت خلاص، وصلت معاه لدرجة انه هدد يرمي نفسه في البركة لول
كمان شيء ثاني، لمن كانوا يصوروا الأكل، السمبوسة اللي تشوفوها في الاعلانات ، ما شاء الله تجي ملساء ومتماثلة وشكلها رهيب! السبب : السمبوسة محشية مناديل D: يب مناديييل! لأنك تقدر تسويها مثلثال كويسة وبعدين تحط العجيبة فوقها، ابشركم، سمبوسة المناديل هذي مطبوخة!
كمان شيء وهما يصورا تقطيع خيار، ما عجبهم التقطيع، على طول يرموا الخيار :/ حرام نعمة!
الزبدة كان يوم حلو ومحزن في نفس الوقت، تكلمت مع ناس كثير هناك، ناس محششين بعضهم، وطيبين. وعلى ما يبدوا انهم استانسوا معايا… على ما يبدوا >.>
رجعت على الساعة 9 الليل، كان روميتي دوبه صاحي، والأخ جيعان D: ما شاء الله عليه شهية أليمة! يقولي في بوليفيا عندهم خمس وجبات لول. المهم قررنا انه ننزل المول ونتعشى سوا! أكلته أكل لبناني… عجبه، لكن ما كفاه فراح طلب كنتاكي لول
رجعت بعدها الفندق وتكلمنا سوية الين ما غلبني النوم، ونمت.
